0.2 C
Bingöl
Pazar, Nisan 13, 2025

Davut Bor Çewliknetê ra nuşt: Dayîka Rojî

DAYÎKA ROJÎ

Şewe bêveng a, xemgîn a
Ezman bîyo sey gonî
To eşqê xo sey birîndarîyê xo kerd pîl.
Xeyalê zerrê mi
Ziwanê to de yew vistonik a.
Fam bikir, tîje zî yerse bena
Ti heş bikerî
Şewe xemê to ya, sipsîya gineno serê çarê mi

Ezman bîyo zê gonî, zê gonî
Ti şîyerî ça ez ha binê pêşê to de
Ça de yew dejê to esto, ez wazena destanê xo panî
Ez wazena zerrê dejê to de zê yew pind hevî bîdî.
Çimkî ti pê hevîya xo hîna rind a.
Çimkî wexto ke to ewnîyena yew sayêre ra
A sayêre vilikanê xo kena a.
Ezman beno ganî
Awe bena kêfweşe
Va vengê to beno pêro dinya
Destê domanîya mi rasenê pêro sodiran

Ey dayîka tewr beriqîyayîya estareyan
Bîya xo vîr
Roşnî pê tîje yena
Wext pê tîje vîyereno.
Ey dayîka roşnê rojî
Xo vîra mekere
Ti ristimê new gileyan,
Cuya pêroyin a..

İlginizi Çekebilir

CEVAP VER

Lütfen yorumunuzu giriniz!
Lütfen isminizi buraya giriniz

- Reklam -

Son Haberler