Ma hemin pawekê gamanê erênîyê û ma vanê wa dewlet bernameyo wina newîn eşkere biko. Nê, nêkeno, hetta gaman nerênî erzeno.
Sênî ke şima zî zanê, meseleyê Tirkîya yê girîngan ra yew meseleyê KHK ya. Dima bîyerê/olayê 2016 ra, bi hezaran merdimî, kar û gûreyê xo ra dûr fîyeyî. Nê dadgeh/mehkema nîya ro nê zî goştarîyê îfadeyê çewî bi.
Gellek zeman ra dima, her kes aramî/hûzûr paweto la mixabin roj bi roj na bîyer alizya û dima des seran ra hima zî bê çaretî ser ra domyena.
Çira Wina Bi?
Birastî hevalanê ma yê hemin Tûrkîya ra elbet merdimî agerayê karê xo ser. Çewlîg ra zî çendî hevalê ma bi biryanê/qirarê dadgehî/mehkemayî gerayê karê xo ser. Hetanî tîya rind o labelê mixabin hevalanê ma yê agerayê karê xo ser, reyna gurî ra îxraç bê, reyna ameyê cezakerdiş. Nê qirarî, him kêfê ma xeripna him zî zirar da hevaltî, cîrantî û biratîyê şaran.
Mekê! Eyb o, şerm o! Çimke him yê nê hevalanê ma him zî ê bînan ra xetayê tû kesî çinî yo. Ma xebatoxê îxracê KHK’yî yê KESK’î, bê kar û gureyê xo çîk nêkê, qala xetayîn nêva. Heke ma vatibê, ma xêcî merdimati, biratî û aşitî çîkî nêvatibê. Çîkî ma waşte bê, zirar nêdabi kesî, ewro zî nêdano kesî. Vateyê ma xeta nê bê. Ganî şima o gam ma bi nê çîyan sûçdar nêkerdê, ewro zî suçdar nêkê.
Na Xeta Ra Ling Têpîya Berzê!
Gama erênî, semedê silametîyê ma heminan baş bena. Ma rê, şima rê, dewlet rê, şarî rê…
Ereyê mekewenê çimke mafê çewî çinî yo bibo sedemê vîyarnayîşê demê merdimî. No welat, çewlîg/çîftlixê bavê çewî nîyo, yê ma heminan o!
Xetan mekê, rayeyê merdimatî û aşitî me xitimnenê! Heke na xeta bidome, ma hemin huzir vînde kenê!
