Dibistanî/mektebî a bîyê! Zerreyê wendekaran de kelecanî, dadîyan de zî kêf est o. Mixabin verê hûkumatî de zî kêmasî est ê!
Kelecanîyê wendekaran, sedemê yewcaameyayîşê hevalan û mamosteyanê înan o. Kêf û demê dadîyan zî xelasîyê tûtanê xo yo.
Birastî hetê avayî ra zafînê nêyanî, newe yê. Erdlerz ra dima, hima hima hemin dibistanî newe ra virazyeyê. Tabî tayê avayî zî sey xo mendê.
Ha Vaco Ha Vaco!
Wezaretê Perwerdeyî û Mûdûrê Perwerdeyî yê Bajerî, sare ra hetanî pênî amînanî vindetê, mixabin hima newe kewtê tadîlat dima. Çimke pereyî çinbî û newe xîzîna ra hêtkarî ameya.
Çira cûyavêr biamenê, nêbenê? Îlla gera/ganî sareyê serî de perê bêrê? Herfeyê Qûr’an-û Azîm Şan o?
Çi sedem ra beno wa bibo tadîlatî ganî nêverdenê heta na dem/hel rê. Çimke hetanî kar û gûrî biqedê, wendekarî pêrîşan benê û hevalanê xo yê bînan ra têpîya manenê.
Helbet merdim nê çîyan ganî vaco û dolet/hûkumat zî bîyaro ca labelê tengasîya girîng/mûhîm bêedaletî de ya, pergalê perwer de ya. Çimke Doletê Tirkîya de her wendekar seyyewbînanî nî yo. Yanî edelet çinî yo!
Mîyanê heminan de, wendekarê Kurdan, feqîran û taybetî zî wendekarî keyneyî, na doletî de marûzê bêedaletî benê. Mesela, şarê Kurd, hima ra zî nêşkenê ziwanê xo dir perwerde bibo. No hal ahvalî ra xirabîyêr, zûlimdarîyêr çîke est o?
Rewşa Kûrdan û feqîran verî çiman de ya. Kurdî, nêşkarenê ziwanê dadîyê xo dir xizmetê perwerde bivînê. Hima ra pratîk de Kurd nênê hesapkerdiş.
Ganî hûkimat sifte de na mesela lez û bez safî biko. Çimke doleta ke seyyewbînî/edalet çine bo, hemin çîyî çewt şinê cade ra.
Rewşa Feqîran Ha Verê Çiman da. Dewlemendî/zengînî tûtanê xo eşkarenê her hal de bidê wendiş. Kamcîn mekteb biwazê, yew raye vînenê, gedeyanê xo, o dibistan de qêd kenê. Dibistanê doletî nêwazê, pêy peran danê wendiş. Goreyê kêf û keremê xo tûtan danê wendiş.
Pekî, feqîrî eşkarenê wina bikê?
Mixabin feqîrî kamyew dibistan bêro nîşandayîş o dibistan de qêdê gedeyanê xo virazenê û wendekarê înan zî mecbûr şinê o ca.
Şinê La Sênî Şinê?
Mîyan feqîr û belengazî de şinê yenê. Nîmpîze şinê, vêşan yenê. Hûkumat nêşkareno nîmeroj werd bidê nê gedeyan/tûtan.
Keynayî Wa Nêwanê?
Na xiravî ra qisimo ke en zef zirar vîneno, keyneyê. Şîyayîşê înanî yew zehmet o ameyayîşê înanî yew zehmet o. Merdim vano qê, wendişê keyneyan, nêno waştiş.
Her roj yew problemî benê. Hûkumat nêşkareno keyneyan weşî û silametî bero dibistan, badecû bîyaro keye înanî. Keyneyî rehet û aramî de nêşkarenê vêcî teber, nêşkarenê bi qirarê xo biwanê. Mektebê ewilî ra hetanê zanîngahî marûzê zûlim û zordarî benê.
Çarê Çiko?
Seyyewbînî/edalet û demokrasîya raştikîn çareyê hemin derd û kulan ê. Ganî şar, nê çîyan bizano û nê waştoxî, her ca de bîyaro ziwan û semedê caameyayîşê nê çîyan zî teqîb de bo.
Dewleta/Doleta Sinînî?
Çi fikir an zî îdeolojî beno wa bibo, heke pergalê ey saxlem nêbo, hemin çîyê eyî sexte benê. Çimke pergalo ke aramî û weşîyê millet nêwazo, zûrkerin o, zirarin o. Feydayê eyî, têna taye şexsan ra yo.
Çare Hûzûrê Herkesî yo.
Hûzûr zî pê edalet/seyyewbînî awan beno. Yanî, hûkumat an zî dolet rê edalet şart o. O gama dolet bena yê hemin şaran, hemin kesan!
Dolata adîl, dolate demokrat, doleta ke bûyê merdimayî ca yena, çareyê hemin derdan a. Şarê Tirkîya rê, doletêka wina newîn pêwîst/lazim a.
Zor nîyo. Têna wa bêro waştoş!
Bimanê weşî de, hûzûrî de, hêvî de, binê sîwanê/şemsîyeyê demokrasî de!
