Çewlîg De Cezayî Varê!
Çewlig de no hewte, ezmon ra varan/Şilî vara; dewlet ra zî cezayî warê.
Cezaya citayî?
Kamî beşdarê eşkere kerdişê çapî yê daristanê Qerecehneme bîyê, heminan ra ceza ameyo. Ceza, hetê Qereqolê Saxnîs ra ameya birnayiş. Sedemê cezayan zî dakewtişê cayo qedexeyîn ame aşkere.
Kesî ke muhatabê na cezayî biyê, şaş û mat mendê û hêrsê xo mojna ra û mena nê da na ceza. Nê kesî aşkere kerdê û vatê “semedê birnayîş şîyasîyê daristan serbest o labelê semedê pawetiş û waharvecîyayîş qedexe yo. Ma no qirar qebûl nê kenê!”
Kesî ke ci rê ceza ameya birnayîş, îtîrazê xo savcitî de kerdê û pawekê biryarê/qirarê savcitî yê.
Dizdan Hetik Ma Berdê!
Tirkîye de rêyna dizdî vecîya hola. Na dor, fon ser dizdî bîya û şarî newe pê hesîyeyê.
Dizdî Şênî Bîya?
Yeno îddîa kerdene, kesî ke hayedarê û zanê kamcîn ca de, fonî de se beno, se nê beno, pereyê xo kerdê o ca û bê heq pereyî qezenc kerdê. Kam na xirabî veto hola dîyar nî yo la pênî de na pîsî vecîyê hola.
Nameyê zef merdiman mîyanê no bîyer de derbas beno û yeno îddîa kerdene, nê merdiman bi milyar dolaran pereyê neheqî ser kar kerdê.
Nê merdiman ra yew hetkarê AK Partî F. Betül Xanim be. Fatma Xanim, dima tespîtkerdişê nameyê xo, partî û gurîyê xo yê partî ra fek raverda.
Serokkomar birêz Recep Tayyîp Erdoganî mesela serî nerazîyê xo îzah kerdo û eleqeyê/têkiliyê dizdî û partîyê xo qebul nê kerdo. Vato, “ez bi xo na mesela ser vîndena, çi zerre çi tever de kam bîyayîşê na dizdî rê bu sebeb, mi hemverê xo de bivîno.”
Homa Pênîyê Ma Xêr Ser A Biçarno!
Hemwelatî, mîyanê feqîrî de şaş û mat goşdarî xeberan kenê û pêniyê na bîyerî/olayî meraq kenê. Her kes dima na pers de yê: “Cûya verî se bi dizdan, na dor sebibo?”
Raşta, ma zî meraqdarî: Gelo pênîyê ma sebeno?
Homa pêniyê ma xêr ser a çarno!
