Tûrkîya De Se Beno?
Doletê Tirkîya de hemîn çîyî sey verê. Reyna dizdî, reyna neheqî, reyna ne çarekerdişê meseleyê Kurdan.
Feqîrî sareyê xo girewto şina. Helbet zengînîyê yew qisimî zî wina zêdyena. Zaten problem tîya de ya. Tayî însan zef zef benê doletin/zengîn, xêcî înanî, şaro bîn zî sînorê gêste ver, pey zorî nefes genê.
Belê, hima meseleyê Kurdan de hûkûmat gam nêeşto. Hereketê û sîyasetmedarê Kurdan hemin rîzîk nayê verê çimanê xo û gamê girîngî eşt ê. Merdim eşkareno vaco, nê gamş, hetê qelfêkê/qisimêkê Kurdan ra nêameyê qebûlkerdiş zî la hetê Kurdan reyna wina tê gêrayo.
Pekî, hetanê çi zeman wina beno. Ez bawerkena biryarê îttîfaqî yê Kurdan û hûkûmatî çinê bo wina maneno. Çimke vîjnayîş yanî seçim ma ra ver est o. Rewşa hûkûmatî, semedê reaksîyonê Tirkan û nîjatperestan, nêkena berz, biko seçîmî. Heke Kurdî zelalî paşt bidê ci, o gama binê karê înan beno rehet. Mixabin no zî verê çiman de nê aseno.
Meseleyê bîn zî, çiqas dem derbas beno, hinde zef benê. Merdim vano qey, yew ca ra, gîştêk nîya serê nê çîyan.
Hûkûmat xo verdana ke hemin problemin çareser biko labelê dizdî derûdorê ey, menê/engel benê.
Kilmekî û zelalî nayê vana: Hûkûmat, an hetanî pênîyê nê çîyan şina û him xo him zî îktîdarê xo him feqîran xelisnena an zî pênîyê ey yena.
Ez nêzana kam qoltixê xo paweno kam nê paweno la Homa ma feqîr û fûqara bipawo!
Cûgeh De Se Beno?
Cûgeh/Dunya têser têbin bîya. Heke wina bidomîyo, nizdîyan ra şerêko pîl vêcîyeno. Şerî domyenê nî yê, sey şerê cîhanî. Înşallah ez xeletyena.
Ma banê şîyayîş û ameyeyîşê doletanê pîlan ra, no çî yeno femkerdiş. USA, Çîn û Rûsî ameyê yew ca û biryarêk da yê. Heke Yewîtîyê Ewropa/Ewropa, polîtîkayê nê doletanê girdanî, yê ke xo mîyan de biryar da yê qebul biko îhtîmalî şerî beno berz.
Şer Yew Nîyo Di Nîyo!
Mixabin xecî no şerî, herema Rojhilata Mîyanîn de şerê bîn hima dom yenê û xemî çewî nîyo. Ez bawer kena hetanî doletê Îsraîl, sînorê xo yê verîn de avan nê bo û na dolet hetê hemin doletan ra nê ro qebûl kerdiş şer domyeno. Çîko newîn bibo, hemin doletî, na rewşe qebûl kenê û sînorê Îsralî bedilyeno.
Her kesî, sareyê xo kerdo xo ver, goş nîkeweno heq û huquq ra, kiştişê merdiman, heywanan û talanîyê xoza ra!
Homa pênîya ma xêrî ser açerno!
